እንደ ወረደ ! የአውሮፓ ህብረት የስልጣን ዘመኑን ባከተመዉና በህዝብ ይሁንታ በተሰጠዉ የትግራይ ክልል መንግሥትን የተፈጠረዉን ኣለመግባባት ለማርገብ ጥረት መጀመሩ ተገለፀ፡፡

የአውሮፓ ህብረት የውጭ ግንኙነትና ደህንነት ፖሊሲ ምክትል ፕሬዚዳንት ጆሴፕ ቦሬሌ የተመራ ልዑካን ቡድን የስልጣን ዘመኑን ባከተመዉ ብልፅግናና በህዝብ ይሁንታ በተሰጠዉ የትግራይ ክልል መንግስትን የጠፈጠረዉን ኣለመግባባት ለማርገብ ከትግራይ ክልል መንግስት ከፍተኛ አመራሮችና ፣ በህገወጡ ኣመራር ነኝ ባዩ የዱሩዬዎች ስብስብ ብልፅግና ሊቀመንበር ጋር መወያየታቸውን ሪፖርተር ገልፀዋል፡፡
የአውሮፓ ህብረት የውጭ ግንኙነትና ደህንነት ፖሊሲ ምክትል ፕሬዚዳንት ጆሴፕ ቦሬሌ ከእድሩ ብልፅግና ሊቀመንበር ዓብይ አህመድ ጋር ተገናኝተው መምከራቸውንና የህብረቱ ከፍተኛ ልዑካን ወደ ትግራይ ክልልም በማምራት፣ ከክልሉ መንግሥት አመራሮች፣ እንዲሁም ከትግራይ ብሄራዊ ክልላዊ መንግስት ርእሰ መስተዳድር ከዶ/ር ደብረ ፅዮን ገብረ ሚካኤል ጋር መወያየታቸውን ሪፖርተር ከታማኝ ምንጮቼ ባገኘሁት መረጃ ኣረጋግጫለሁ ብሏል፡፡
የአውሮፓ ህብረት የውጭ ግንኙነትና ደህንነት ፖሊሲ ምክትል ፕሬዚዳንት ጆሴፕ ቦሬሌ የተመራ ልዑካን ቡድን ከሕወሓት ከፍተኛ አመራሮች ጋርም በአካል ተገናኝቶ የመከረ ሲሆን፣ ይህንንም የሕወሓት ሥራ አስፈፃሚ አባል የሆኑ አቶ ጌታቸው ረዳ ለሪፖርተር ገልጸዋል፡፡
ሕወሓትን በመወከል ከኅብረቱ ልዑካን ጋር ውይይት ካደረጉት መካከል አንዱ እሳቸው እንደነበሩ የገለጹት አቶ ጌታቸው ረዳ፣ የኅብረቱ ከፍተኛ ልዑክ በፌዴራል መንግሥትና በትግራይ ክልል መንግሥት መካከል ያለውን አለመግባባት መሰረታዊ ምክንያቶች ለማወቅ ጥያቄ አቅርቦ ማብራሪያ እንደተደረገላቸው ገልፀዋል፡፡
ይህ በእንዲህ እንዳለ የአገሪቱ መከላከያ ሠራዊት በትግራይ ክልል ለሚገኘው ሰሜን ዕዝ ምክትል ዋና አዛዥ የላከ ቢሆንም፣ የትግራይ ክልል መንግሥት የሰሜን ዕዝ ዋና አዛዥ ሆነው አዲስ የተመደቡትን ሜጀር ጄኔራል በላይ ሥዩም ወደ መቀሌ እንዳይገቡ ከልክሏል፡፡
ጉዳዩን በተመለከተ የጠየቅናቸው አቶ ጌታቸው ረዳ አዲስ የተመደቡት ዋና አዛዥ ከድሬዳዋ ወደ ትግራይ ከመምጣታቸው አስቀድሞ የክልሉ መንግሥት እንደማይቀበላቸው አስታውቆ እንደነበር ገልጸዋል፡፡
ይህ ውሳኔ ከግለሰቡ ጋር የሚገናኝ እንዳልሆነ የሚገልጹት አቶ ጌታቸው፣ የትግራይ ክልላዊ መንግሥት ከመስከረም 25 ቀን 2013 ዓ.ም. አንስቶ ሥልጣን ላይ ያለው የፌዴራል መንግሥት የሚተላለፉ ውሳኔዎችን እንደማይቀበል አቋም ከመያዙ የመነጨ መሆኑን ጠቅሰዋል፡፡
የፌዴራል መንግሥት በሚመራው የመከላከያ ሠራዊት ላይ የሚወስነው የአመራር ለውጥ በትግራይ ክልል ጋር እንዴት እንደሚገናኝ እንዲያብራሩ የተጠየቁት አቶ ጌታቸው፣ ዓላማው የአመራር ለውጥ ብቻ ሳይሆን በሰሜን ዕዝ ውስጥ ያለውን ሠራዊት አዲስ ወደሚቋቋመው የምዕራብ ዕዝ ለማዘዋወር ያለመ ነው፤›› ብለዋል፡፡
‹‹አገር መዳን ካለበት ይህ ሠራዊት መነካት የለበትም፤›› የሚሉት አቶ ጌታቸው፣ ‹‹ይህንን የምንለው ከራስ ደኅንነት ሥጋት በተያያዘ አይደለም፤›› ብለዋል፡፡
ነገር ግን አገር ላይ ጉዳት እንዳይደርስ የዚህ ጦር ባህርይና መገለጫ ማንነቱ ተጠብቆ እንዲቆይ መደረግ አለበት ከሚል እምነትና ውሳኔ የተወሰደ ዕርምጃ መሆኑን ገልጸዋል ሲል ጋዜጣ ሪፖርተር በዛሬዉ እትሙ ለንባብ ኣብቅቷል፡፡


0