በአማራ ብሄራዊ ክልላዊ መንግስት በተለይም በከፍተኛ አመራሩ በኩል በየጊዜው በሚዲያ የሚደረገው ዘመቻና የጦርነት ነጋሪት መጎሰም በየትኛውም መስፈርትና መመዘኛ ተቀባይነት የለዉም፡፡”- የቤንሻንጉል ጉሙዝ ብሄራዊ ክልላዊ መንግስት፡፡

ሙሉ መግለጫዉን እንደሚከተለዉ ቀርብዋል፡፡የቤኒሻንጉል ጉሙዝ ክልል ህገ-መንግሥት የሚፈርሰው የፌዴራል ስርዓቱ እንዲፈርስ የቅዥት የሚመኙ አካላት ሲሳካላቸው ብቻ ነው፡፡ የኢትዮጵያ ህገ-መንግሥት እና የፌዴራል ስርዓቱ ባሳለፍናቸው 27 አመታት በክልሉ የሚኖሩ ብሄሮች፣ ብሄረሰቦችና ህዝቦች ህገ-መንግሥቱ ያጎናጽፋቸውን ራስን በራስ የማስተዳደር ህገ-መንግስተዊ መብታቸውን ተጠቅመው በፓለቲካው፣ በፍትህ፣ በማህበራዊ እና በኢኮኖሚው ዘርፍ በተጨባጭ ተሳታፊና ተጠቃሚነታቸውን ተረጋግጧል።ይሁንና ከቅርብ ጊዜ ወዲህ አገራዊ ለውጥ መጥቷል መባሉን ተከትሎ በክልሉ በአንዳንድ ቦታዎች በጥቂት ቡድኖችና የግል የፓለቲካ ፍላጎት ባላቸው ፀረ-ሠላም ተልዕኮ ያነገቡ አካላት በሚፈጠረው የፀጥታ ችግር በአጎራባች የአማራ ክልል ከፍተኛ የመንግስት ባለስልጣናት በኩል በተደጋጋሚ በመንግስት ሚዲያዎችን ጭምር በመጠቀም የክልሉን ነባራዊ እውነታና ተጨባጭ ሃቁን ባላገናዘበ መልኩ በክልሉ የሚከሰቱ የፀጥታ ችግሮች የክልሉ ህገ-መንግሥት አግላይና በክልሉ የሚኖሩ የአማራ ተወላጆችን ያገለለ በመሆኑንና በክልሉ ተመጣጣኝ ውክልና ባለመኖሩ ነው በማለት በሚዲያ ሲያስተጋቡ ይስተዋላል።በሌላ በኩል የክልሉን ህገ-መንግሥት የማሻሻል ስልጣን ሃላፊነት ክልሉን የመሰረቱት አምስቱ የነባር ብሄረሰቦች የበርታ፣ የጉሙዝ፣ የሽናሻ፣ የማኦና ኮሞ እና እንዲሁም በክልሉ ለዘመናት አብረው የሚኖሩ ህዝቦች እንጂ የጥቂት የፓለቲካ ፍላጎት ያላቸው ግለሰቦችና ቡድኖች እንዳልሆነ ጠንቅቆ መረዳት ያስፈልጋል።ከዚህ በተጨማሪ በተለያዩ ጊዜያት በአንዳንድ ግለሰቦችና የፓለቲካ ፍላጎት ባላቸው አካላት በማህበራዊ ሚዲያ አንድን በህገ-መንግስቱ የተዋቀረን ክልልና ዞንን “መተከል የኛ ነው ” በሚል የተዛባና ፈጽሞ ሊሆን በማይችል ትርክት ሲያስተጋቡ ይውላሉ።”መተከል የእኛ ነው” የሚለው የተዛባ ትርክት ምንዓልባትም እውን የሚሆንላቸው የኢትዮጵያ ብሄሮችን፤ ብሄረሰቦችና ህዝቦች በጋራ ፈቅደውና አምነው ያጸደቁት የጋራ ቃል-ኪዳን የሆነው የፌዴራላዊ ስርዓትና ህገ-መንግሥቱ ሲፈርስላቸው ብቻ መሆኑን በውል ሊገነዘቡት ይገባል።ከዚህ ባሻገር የክልሉ መንግሥት በዞኑ የሚከሰቱ የፀጥታ ችግሮችን ለመፍታት የክልሉ የፀጥታ አካላትን በማስተባበርና በማቀናጀት በቀጠናው አስተማማኝና ዘላቂ ሠላም ለማስፈን የክልሉ ከፍተኛ አመራሮችን ጨምሮ ሌት ተቀን ችግሩን ለመፈታት ከፍተኛ ጥረት እየተደረገ መሆኑ ሊታወቅ ይገባል፡፡ይህ ባለበት ሁኔታ እንደከዚህ ቀደሙት ሁሉ ከክልሉ መንግሥት ጎን በመሆን የፀረ-ሠላም ተልዕኮ ያላቸውን እኩይ ተግባር በማክሽፍ በአማራ ብሄራዊ ክልላዊ መንግስት በተለይም በከፍተኛ አመራሩ በኩል በየጊዜው በሚዲያ የሚደረገው ዘመቻና የጦርነት ነጋሪት መጎሰም በየትኛውም መስፈርትና መመዘኛ ተቀባይነትና አግባብነት የሌለው መሆኑን መገንዘብ ያስፈልጋል።የቤኒሻንጉል ጉሙዝ ክልላዊ መንግስትጥቅምት 08/2013 ዓ.ም አሶሳ፣


0
0 0 vote
Article Rating
Subscribe
Notify of
guest
0 Comments
Inline Feedbacks
View all comments